Jamie's Italian IN HONG KONG~~

Jamie's Italian HONG KONG

Post by Jamie's Italian Hong Kong.

呢幾日對於飲食業黎講, 最令人熱血沸騰既話題, 應該都係呢個英國肥仔(佬) 廚神Jamie Oliver 公佈今年七月將於銅鑼灣開旗下既意大利餐廳~~~ 

早喺2009 年己經有傳聞jamie 會喺灣仔開當時既亞洲第一間餐廳, 一直都只聞樓梯響, 當時聽聞係因為租金問題, 所以將計劃擱置。香港d 租貴到連jamie oliver 都租唔起呀... 幾得人驚. 

最後上年香港又輸俾新加坡, 喺sentosa 開左亞洲第一間既jamie italian. 可能因為太受歡迎, 所以終於喺香港都決定開一間.

地點係銅鑼灣食廈新朝陽中心第二期 (即times square 對面). 聽聞七月會正式開張, 四月將會有試業呢... 希望可以搶先試到啦

2年前, 我己經到左澳洲悉尼既分店朝聖。當時真係開心到不得了.

放工後閒聊

18GRAMS

地址︰旺角登打士街56號家樂坊地庫B04號

電話︰27701339

網址︰http://www.18grams.com/

放工後，與亦師亦友的同事飲咖啡閒聊, 來到家樂商場開左一段時間既18grams. 

呢間咖啡店由景龍街一間小小的角落店, 近年迅速擴張至旺角, citysuper tst &cwb , 最近仲喺西貢開多間分店.  黎到今日終於有機會試下 

相比起樓上迫到好似街市一樣既starbucks, 一層樓之隔既18grams 簡直好似天堂一樣。

今次同同事試了tea set 上的tomato mozzarella & pesto bruschetta. 

價錢非常相宜, 加一杯regular coffee 盛惠$45. 

bruschetta 算係相常唔錯, 當然如果d mozzarella 可以再好d 就更perfect. $45 來講, 都算唔錯.  

我點了一杯latte. 其實當日唔係咁想飲咖啡，但係因為正在儲latte art 既相片... 又黎到一間水準唔鐘既cafe, 無理由唔飲咖啡。咖啡做得唔錯, 個latte art 又真係hea 左少少.. 有點兒失望. 

我最鐘意既coffee shop 始終都係上環既barista jam. 己經有一段時間無光顧過勒. 聽聞上環一帶己經開了不少咖啡店，多到跟不上。

一蘭拉麵

天然豚骨拉麵專門店一蘭拉麵

地址︰銅鑼灣謝斐道440號駱克大廈A座地下H及I 

等到今日終於都試左....

平日既6點幾, 都已經有條短龍, 用左40分鐘, 終於都入到店入再排隊

喺等候過程, 職員會俾張紙你填你既preference.. 

湯既濃度、油度、面既軟硬度, 蔥花或蒜頭多少, 要唔要叉燒 (唔要就即係淨麵), 辣度， 加麵 / 加料等等

喺因為有太多選擇而出現選擇困難既情況下,

除左揀左麵要較硬同多蒜之外, 我只係將所有野都寫普通.. 

店內跟足日本店既傳統, 所以座位一律為自閉位。

按下枱面既鐘, 有隻手會伸入黎收單。

坐一陣, 又有隻手遞碗麵俾你, 之後連竹簾都拉下，專心食麵... 

坦白講... 食落口.. 我又覺得只係一般. 湯底好似有點帶甜.. 

值得一讚既係塊叉燒. 塊叉燒切得比一般拉麵店為薄, 但係入口即溶. 真係煮得好好味~ 

其實拉麵店應唔應該俾你揀咁多野？

專重客人既喜好, 的確係好事. 

但係廚師唔係應該都有佢自已既喜好，煮出佢認為最好食既拉麵？

最意外既係,  呢度真係專到連餃子都無家 ~~ 

忙裡偷閑的檸檬撻

Maison Eric Kayer
地址︰跑馬地雲地利道60號
網站︰http://www.maison-kayser.com.hk/

星期六放工後, 肚空空一個人去左跑馬地既 Eric Kayser 諗住睇下有無d tea set.

見到三月有一件特別既香濃忌廉夾心蛋糕, 只有三月先有..

心旭旭想試, 想試.,... 想試..

但最後都係敵不過檸檬撻 ...

由細到大, 都對檸檬有特別偏好.

因為檸檬味道, 夠安全. 難食極都總有個限度

另一原因.. 小時候經常用檸檬醬搽白麵包食. 仲要係羅拔臣嗰款.

有時間, 會食到晚飯都食唔落.

檸檬醬 檸檬醬.. 香港人一般都叫佢做檸檬醬. 攪到我由細到大都以為curd 同jam 係同一樣野

台灣人似乎對curd 有比較準確既翻譯: 檸檬蛋黃醬、檸檬酪、檸檬凝乳。

因為lemon curd 係用檸檬汁同檸檬皮,  + 牛油 + 糖 + 蛋黃 座蒸氣攪至thick and creamy, 攪完喺室溫冷郤凝結

相反jam 只係將生果+ 糖 煮出黎.

jam有防腐作用, 但curd 就無, 煮好要盡快食哂佢.