Dalloyau: Tarte Au Citron 檸檬tart

地址︰尖沙咀廣東道17號海港城海洋中心4樓403室
電話︰3185 8330
website︰http://dalloyau.hk/
推薦度︰★★★★☆

Angelina 同Dalloyau 2間法國好有歷史既甜品店分別先後黎到香港。

喺正式入去坐低食野之前, 早幾日行過海港城先買左Dalloyau 既檸檬tart ($52)黎食下先

無錯, 又係我既至愛檸檬tart.

好早之前都有介紹過Eric Kayer 既檸檬tart

同呢個比真係狠狠地被比下去

Dalloyau 呢個檸檬tart, 意外地唔會過份甜 (eric kayer 嗰個係好鬼甜... ), 少少甜而且仲食到檸檬既酸味, 加埋餅底一齊食, 非常非常好食！

啱啱喺官網爬一爬文, 原來Dalloyau 家族入面, 第一代既做甜品既Charlie Dalloyau 曾經造甜品俾路易十四家！雖然dalloyau 造甜品既歷史己經超過300年, 但係唔好諗佢地會食古不化, 佢地都幾與時並進家, 好早己經有"減糖" 呢個行動!

有機會真係要黎試下個tea. 我地己經做左功課, 問過staff 少少行情.

佢話星期一至五, 下午茶3點開始, 2 點己經會有人排隊
星期六日, 十二點開始, 十一點半就開始排隊!
大家有興趣想去既朋友, 可以參考一下, 因為cafe 係不設訂枱, 以先到先得既形式

不得不提, 職員既service 非常之好, 雖然我地只係買2個檸檬tart, 又驚賣哂, 打電話黎留, 黎左俾錢,又唔拎住, 轉頭再黎拎. 整個過程, 所有職員都非常有禮貌, 服務態度好好, 抵讚。

Peace'O'Cake︰百日宴蛋糕

Peace'O'Cake 

Facebook shop: https://www.facebook.com/Peace.O.Cake.Cakes?fref=photo

電話︰9745 2645 

電郵︰peaceocake11@gmail.com

推薦度︰★★★★☆

朋友寶貝仔百日宴，要搵freelance 整蛋糕，就諗起朋友介紹過我既Peace'O'Cake 

Peace'O'Cake 既主持人part time 造蛋糕, 佢正職係空姐黎既. 帶黎一個問題, 就係搵佢訂造蛋糕要同佢夾佢既飛行更期。好在今次佢都可以抽到時間幫我朋友做呢個靚靚蛋糕。不過佢都好flexible, 都會盡量同客人夾時間。

百日宴既主題係芝麻街，咁啱佢之前都做過芝麻街既蛋糕, 時間又夾到, 一切都一拍即合。

約略傾下細節, 蛋糕喺百日宴其實都係拎黎影相多過食, 原本佢之前做既係5磅 ($1700) , 我地都預左d 人唔會有胃口食到蛋糕, 都好坦白咁同佢講, 3磅($1200) 都夠. 唔洗落訂, 大家講一個信字, 咁就訂左勒。

初頭都有d 擔心3磅會太細, 朋友咁信得過我, 由我負責幫佢訂蛋糕，我都唔想令佢失望, 同埋都想個蛋糕有睇頭, 唔會太細太小家。

嗰日下晝, 佢send 張相俾我, 我都有d 意外, 3磅咁大家原來! 心諗好在無訂5磅啫。到夜晚見到真野，更加喜出望外。親戚朋友都好開心咁同個蛋糕影相。

樣就好勒, 味道如何呢?? 

個糖皮當然唔好食啦。話好食都無人會信。

訂蛋糕嗰時, 主持人問過我想要咩味。我始終都係對檸檬蛋糕情有獨鐘，朋友又無意見，於是又決定左做我最鐘意食既檸檬蛋糕。

Peace'O'Cake 既主持人係外國空姐，佢做既蛋糕都係比較西化。香港人我地都比較鐘意海綿蛋糕，軟綿綿。如果你都係鐘意軟綿綿蛋糕既話, 搵Peace'O'Cake 之前就要三思勒，因為佢西式既蛋糕係好實淨，好solid 既. 呢個蛋糕都係一樣，好似傳統carrot cake 咁樣, 好重身。食緊蛋糕既時候都聽到好多人食左一啖就話"嘩" 個蛋糕咁實既? 個蛋糕係好solid, 但係佢其實做得好好，因為佢好moist 家, 唔係因為over cook 而又乾又硬嗰種實，係moist 同solid。

事後, 我都contact 番主持人，多謝佢做個咁好既蛋糕俾我地。都大讚個蛋糕比我想像中既三磅大。佢都笑笑口話其實佢喺sizing嗰時都好隨心，所以成日都做到個蛋糕太大。佢話嗰個蛋糕其實都有5-6磅！超抵！

Thomas Trillion - The Edible Art

地址︰天后永興街17號凱旋樓地下
電話︰28060332
Website: www.thomastrillion.com/

幾年前, 為左訂蛋糕俾男朋友, 偶爾發現了Thomas Trillion 呢間cake shop, 自此之後佢就成為我最喜愛的餅店。

好朋友生日, 特別到Thomas Trillion 走一趟, 本想買一個生日蛋糕... 怎料.... 每個蛋糕都預先訂購，否則要等至少三小時才可pick up. 唯有現成的小蛋糕。

大部份的individual cake 都可以訂造為大size 的whole cake. 今次錯有錯著, 買了四款individual cake, 即是一次可以品嚐四個大蛋糕一樣 wahahahaha ~~  

Pastry Chef Thomas Lui 獲獎無數, 他的蛋糕不單外有美麗的外表, 更有殊不簡單的內涵. 每件蛋糕都有造得非常細緻的layer, layer 與layer 之間非常之分明, 巧奪天工. 早前有affordable art 既展覽, Thomas 造的蛋糕, 既是affordable art, 更要edible art~~ 根本是一件可吃的藝術品. 

1. Mango Tango

Mango Tango 是四款當中比較light 的一款, 顧名思義這是一件芒果為主的蛋糕。

餅底以芒果sablee 造, 配上熱情果及芒果creamy layer, 再夾開心果海棉蛋糕 及fruite capote, 造成一層層橫間的layer, 是一件非常light 的蛋糕。

 

2. Princess 

這件是individual cakes 當中, 少數不能訂造為whole cake 的一款
同樣用了sablee 餅底, 加上熱情果creamy layer 包圍, 以red fruits coulis (吃起來似是raspberry)  及 士多啤梨 yogurt cream 的兩層圓環形layer  。
princess 與  mango tango 一樣都是比較light的蛋糕, 但稍稍較mango tango 甜。

3. Montagne

這件是四件當中最rich 的一件。Montagne 餅底用了咖啡味甜撻皮, 配上榛子可可脆脆, 朱古力咖啡mousse 及朱古力脆餅. 喜歡朱古力的不能錯過~~ 正！

4. Royal

Royal 是其中一款最大賣的蛋糕, 可說是店中的其中一款signature cake。大賣既原因當然是其美麗的外表, 紅色夠搶眼, 蛋糕周邊的pattern令蛋糕靚上加靚,
Royal 用的餅底是朱古力餅，一層yellow fruit compote , 一層可可gelee , 及一層焦糖造出橫間layer.
真的又好睇又好食~~

忙裡偷閑的檸檬撻

Maison Eric Kayer
地址︰跑馬地雲地利道60號
網站︰http://www.maison-kayser.com.hk/

星期六放工後, 肚空空一個人去左跑馬地既 Eric Kayser 諗住睇下有無d tea set.

見到三月有一件特別既香濃忌廉夾心蛋糕, 只有三月先有..

心旭旭想試, 想試.,... 想試..

但最後都係敵不過檸檬撻 ...

由細到大, 都對檸檬有特別偏好.

因為檸檬味道, 夠安全. 難食極都總有個限度

另一原因.. 小時候經常用檸檬醬搽白麵包食. 仲要係羅拔臣嗰款.

有時間, 會食到晚飯都食唔落.

檸檬醬 檸檬醬.. 香港人一般都叫佢做檸檬醬. 攪到我由細到大都以為curd 同jam 係同一樣野

台灣人似乎對curd 有比較準確既翻譯: 檸檬蛋黃醬、檸檬酪、檸檬凝乳。

因為lemon curd 係用檸檬汁同檸檬皮,  + 牛油 + 糖 + 蛋黃 座蒸氣攪至thick and creamy, 攪完喺室溫冷郤凝結

相反jam 只係將生果+ 糖 煮出黎.

jam有防腐作用, 但curd 就無, 煮好要盡快食哂佢.