一蘭拉麵

天然豚骨拉麵專門店一蘭拉麵

地址︰銅鑼灣謝斐道440號駱克大廈A座地下H及I 

等到今日終於都試左....

平日既6點幾, 都已經有條短龍, 用左40分鐘, 終於都入到店入再排隊

喺等候過程, 職員會俾張紙你填你既preference.. 

湯既濃度、油度、面既軟硬度, 蔥花或蒜頭多少, 要唔要叉燒 (唔要就即係淨麵), 辣度， 加麵 / 加料等等

喺因為有太多選擇而出現選擇困難既情況下,

除左揀左麵要較硬同多蒜之外, 我只係將所有野都寫普通.. 

店內跟足日本店既傳統, 所以座位一律為自閉位。

按下枱面既鐘, 有隻手會伸入黎收單。

坐一陣, 又有隻手遞碗麵俾你, 之後連竹簾都拉下，專心食麵... 

坦白講... 食落口.. 我又覺得只係一般. 湯底好似有點帶甜.. 

值得一讚既係塊叉燒. 塊叉燒切得比一般拉麵店為薄, 但係入口即溶. 真係煮得好好味~ 

其實拉麵店應唔應該俾你揀咁多野？

專重客人既喜好, 的確係好事. 

但係廚師唔係應該都有佢自已既喜好，煮出佢認為最好食既拉麵？

最意外既係,  呢度真係專到連餃子都無家 ~~