姆明CAFE: 物有所值既POP UP CAFE!

地址︰海運大廈LCX
日子︰11月14 日至1月5日為止
時間: 朝十晚十
推薦度︰ ★★★★★

日本一直都有好多POP UP 卡通CAFE. 香港有樣學樣, 又有好多POP UP CAFE.

HELLO KITTY 仲更勁到有間長期既CAFE

呢D POP UP CAFE 無論喺日本, 香港都好, 都係偏貴之餘, 食物質素又唔好. 志在影幾張相, 喺FACEBOOK CHECK IN 插下旗, 扼LIKE, 但次次去完話唔抵, 下次有新CAFE 又會再去家喎..
呢D 咪就有卡通人物既吸引力囉~~

今次去既係喺LCX 既姆明POP UP CAFE. 呢間真係去咁多間最開心滿意既一間

下晝2 點幾拎飛, 等多個零鐘就入得去. 都算OK啦, 中間可以喺LCX 行下街先, 時間都易過.

一行入去CAFE, 意外地竟然有咁多張枱! 餐廳怖置好精美, 一D 都唔似短期租約.

牆上面仲有好靚既姆明插畫

周圍仲有好多姆明谷大公仔俾你任拎黎影, 有姆明爸爸, 姆明, 最型最COOL 既史力奇, 仲有樹精! 食客大家都好有品, 大家交換公仔輪流影. 

野食方面, 我地下午茶時間去, 所以只有TEA 既食品. 

叫左個必食既 PANCAKE ($135) 

仲有可以自選一隻細細既陶磁公仔拎番屋企！

價錢唔算太貴啦, 咁多野食. PANCAKE都有四塊! 味道都唔錯! 

又靚又好食！

另外當然要叫SIGNATURE 既LATTE, 有姆明、史力奇、亞美 同樹精 揀 

我地叫左史力奇同姆明. 

個樣都幾靚! 

呢個姆明CAFE 真係值得一去! 

來自巴塞的cafe : Espuma

地址︰尖沙咀厚福街H8 2字樓
電話︰27392080
website: http://www.espuma.com.hk/
推薦度︰★★★★☆

出開黎厚福街, 記得睇雜誌見到H8 開左間來自巴塞既咖啡店

一行到入去. LIFT 口畫左好靚既粉筆畫, SEATING 既地下鋪左充滿西班牙味道既磁磚

加上牆上既壁畫, 好年輕,好有活力,好多色彩

感覺唔似其他既西班牙餐廳, Espuma 似乎係想走年輕路綫

Menu 就己經哂冷Espuma 選用西班牙巴塞銷量第一既Novell.

連紙巾同杯墊都好西班牙~~ 好靚喎!



坐低睇完menu, ordered 左杯cafe latte 同西班牙甜品churros

好可惜, 轉個頭waitress 話無哂churros.... 呀.... 點解會咁家

唯有揀waffle , 揀左"Honey I Shrunk The Kids" + 朱古力雪糕

轉個頭另一個waiter 又黎, 話要雪糕要加$10.

雖然我點個頭話無問題, 再睇menu 真係從來無寫到話要加$10 或者我揀嗰款唔包雪糕...

之後waiter 解釋, 因為half size 既waffle 唔包雪糕, 但係menu 真係無寫明喎....

Anyway, 等左一陣, 咖啡黎左勒....
點解一d latte art 都無家.... 失望...
不過杯咖啡又幾好飲既, 好smooth~~

食唔到Churros, 可以食到呢個waffle 都唔錯

size 其實比我想像中大, half size 既waffle 即係有 四件水滴型waffle! 

賣相夠靚, 2 個水滴放埋一齊, 做左個心型出黎, 好靚呢!

味道方面, waffle 外面好脆好香口, 食落入面好軟, 唔係脆到好乾咁, 好好食

好簡單咁配上maple syrup, 己經好足夠. 

反而加$10 嗰個雪糕, 又真係細得可憐... 早知唔加啦. 

Menu 除左咖啡同甜品之外, 仲有大約30款野食

有tapas 有main 價錢真係唔貴, 下次一定要黎試下。 

GABA concept cafe: soft opening

地址︰1/F, Diamond Mansion, 462-468 Lockhart Road, Causeway Bay, Hong Kong

電話︰3679 0348

推薦度︰★★★★☆

朋友籌備已久既cafe於開張，soft opening既第一日已經急不及待去撐場。

Soft opening第一日，食物款式唔多，下晝有chicken pie($35) 同 quiche($35) 小試牛刀。我揀左chicken pie 加$20 要latte.

Cafe除左一般latte, flat white, piccolo , expresso等等供應之外，仲有唔同既即磨咖啡豆，及hand drip coffee (食物order + $30). 我order既latte黎到，對個latte art有少少失望啦......  又係呢個例牌行貨......

等左一陣chicken pie黎勒。
Food presentation好靚呀。

個chicken pie個pastry可以見到係handmade,唔係用冷藏既pastry. 唔乾，好脆，好好食。

最正係個pie含。第一啖咬落去就食到陣陣既檸檬味，mozzarella cheese好creamy, 因為有檸檬味既陪襯，一d都唔覺得好飽飽滯滯。鷄肉唔係太多，但係都足夠。
整體黎講，真係好好味。

遲d 正式營業一定再黎食過

Cafe Deadend : secret gem at Po Hing Fong

Cafe Deadend
地址︰上環普慶坊72號地下
電話︰6716 7005
 推薦: ★★★★★

以上圖片來自cafe deadend 官網... 

颱風下的一個下晝, 趁住停雨後的短暫陽光, 趕快黎到普慶坊既Cafe Deadend. 

知道呢間cafe size 唔大, 但係俾我想像中多位. 估唔到, 星期四下著雨既中午, cafe 全院滿座. 幸好一個人容易"攝". 

不過如果天氣好, 其實佢有outdoor 既dinning table, 不過要help yourself. 都係d license 既問題啫. 

望一望menu, 就揀左以下呢個B(acon).E(gg).L(ettuce).T(omato). ($95) 同埋一杯LATTE ($34)

同平時既BLT 多左SUNNY SIDE UP 既雞蛋. 

賣張好靚喎. 嗰隻SUNNY SIDE UP 既雞蛋 令到個DISH 賣相好吸引.
呢個BURGER, 如果用手好似食老麥咁食, 一定出事.
好彩跟左我主子幾年, 己經學會用刀叉食BURGER 既絕技.
一手拎起左面嗰塊bun, 一刀一刀咁切下去.

B.E.L.T 入面有好多Bacon, 脆卜卜, 又唔油, 好有咸香.
Lettuce 同 Tomato 入面有balsamic vinegar, 非常之好味

食到一半.... 點可以冷落左面嗰塊bun...

MENU入面寫明個麵包係用法國牛油 A.O.P 麵包. 之前一直連埋d 含一齊食底嗰塊,
完全遮蓋哂麵包既味道. 當我咬下第一啖淨 麵面, 嘩.. ! 好食到呀

塊面包好新鮮,  咬左一啖, 被咬扁既麵包自動回彈, 非常之鬆軟

呢個面包, 我可以淨係食麵包,唔洗加任何野, 淨係食麵包食飽.

我唔知應該咩comment ...
應該話B.E.L.T 喧賓奪主 搶哂麵包既味道.. ??
定應該話呢塊咁正既麵包喧賓奪主搶哂B.E.L.T 既風頭..??

個麵包真係好好味.
同職員傾左陣, 原來cafe 隔離嗰間麵包店Po's Atelier 就係佢地既姊姊店. cafe 用既所有麵包都係佢地供應, 唔怪之後咁出色啦.

難怪我個鬼佬主子呢排都不禁感慨, 十幾年前黎香港, 最思鄉既原因係香港無出色既麵包, 出色既啤酒, 出色既香腸, 等左十幾年, 香港而家終於三樣都有齊.

最後就係呢杯latte, latte art 有d 失望.. 其實係咪要開口要求先會有d 靚既latte art ?? 次次我都係得到呢d 款既... 

粉研

地址︰跑馬地奕蔭街38 - 42號地下6號鋪

電話︰2524 1622

Website: https://www.facebook.com/fromflourshop

推薦度: ★★★★☆

跑馬地又靜俏俏開左間cake shop “粉研”

喺好多雜誌都有報導過，今日落去仲有crew拍緊添

主打日式蛋糕店既concept, cake 既賣相都好日式簡約. 唔同既蛋糕仲會寫明佢既甜度, 抵讚!

下晝四點幾，四款cake 已經有2款賣哂.賣哂既當然係佢地既招牌，Yuzu souffle cheese cake . 

喺淨低既綠茶黑豆蛋糕同pear almond cake, 我揀左pear almond cake

蛋糕雖然細細件，賣相正.
店主微微加熱, 食落口仲意外地係暖既！正~
件cake仲好moist，真係好好食。

咖啡好creamy好好飲

Classified weekday combo

地址：跑馬地毓秀街13號地下B舖

電話：28913454 

推薦度：★★★★☆

跑馬地有幾間各有特色既cafe. 其中 Classified 係我地既既最愛。

喺曼谷番黎之後幾日，突然好想食pizza, 諗起Classified 開始賣pizza都好一陣子，但都未食過，於是走左落去。

見到星期一至五原來有pizza + pasta 既combo $220. 其實唔係平左好多，但係又貪嗰少少所以叫左。

我地叫左個meatball pasta + pizza

Meatball pasta做肉丸比記憶中做得好好，令人諗諗起Soho 間publico 初開張時，質素極高既veal meatball. 肉丸好軟身，一定係自家製，唔係現成買黎既雪藏貨，而且肥肉唔多，好好食。

Pizza 個底我覺得有d厚，唔夠脆。芝士味好重，呢樣夠正。原本個pizza係BBQ 醬底，我最怕既醬..... 於是叫佢換番蕃茄醬，職員非常樂意，抵讚！

Little Twins Star 涉谷 pop up cafe

地址︰150-8377渋谷区宇田川町15-1　渋谷パルコ　パート1　7F

網址︰http://www.sanrio.co.jp/news/kikilalacafe-201403/推薦: ★★★☆☆

三月尾到了東京旅行, 食左好多東京正野, 會一d一d 咁慢慢喺度分享。

打響頭炮係喺涉谷Parco 7樓既Little Twins Star 既 pop up cafe. 

呢間cafe 喺21/3 開張, 叫得pop up cafe,即係短暫営葉, 只會開到5月尾。

當日黃昏黎到呢度朝聖, 雖然都要等位, 但係意外地唔洗等好耐. 

喺排隊既時候, staff 會幫你落定order, 咁之後就唔洗等咁耐.

cafe 既內內外外都有好多kiki & lala 既圖案, 店內設計簡單, 白色及木製傢俱為主。

當然少不了大大隻既kiki & lala 俾你影相留念

仲會有限定既蛋糕引死你

連張餐紙都想拎走.... 

叫左2杯咖啡, 咖啡都係latte 但係latte art 可以揀kiki / lala  當然係kiki 一杯 , lala 一杯啦

仲試左個星形既 西多士

menu 比預期之中少items. 不過大家都係至在黎朝聖, 到此一遊留個念啫. 

Happy Easter Weekend ~

復活節點可以少得佢

Hot Cross Bun~~~ 

小食@Maison Eric Kayser

地址︰跑馬地雲地利道60號地下
電話︰31070008
推薦度︰★★★★☆

Lunch time, 又唔肚餓.. 但係個鐘同我講, 你夠鐘食野勒.. 

黎到Eric Kayser 諗住叫杯咖啡, 買個包. 

見到menu 有呢個 French Pizza, 價錢又ok, 試一試啦

呢個係4 cheese 既pizza, 用左brie, goat cheese, emmental 同埋mozzarella 再加creme fraiche 

超濃既芝士味, 又有淡淡既goat cheese 味, 唔太搶 

好食!  

放工後閒聊

18GRAMS

地址︰旺角登打士街56號家樂坊地庫B04號

電話︰27701339

網址︰http://www.18grams.com/

放工後，與亦師亦友的同事飲咖啡閒聊, 來到家樂商場開左一段時間既18grams. 

呢間咖啡店由景龍街一間小小的角落店, 近年迅速擴張至旺角, citysuper tst &cwb , 最近仲喺西貢開多間分店.  黎到今日終於有機會試下 

相比起樓上迫到好似街市一樣既starbucks, 一層樓之隔既18grams 簡直好似天堂一樣。

今次同同事試了tea set 上的tomato mozzarella & pesto bruschetta. 

價錢非常相宜, 加一杯regular coffee 盛惠$45. 

bruschetta 算係相常唔錯, 當然如果d mozzarella 可以再好d 就更perfect. $45 來講, 都算唔錯.  

我點了一杯latte. 其實當日唔係咁想飲咖啡，但係因為正在儲latte art 既相片... 又黎到一間水準唔鐘既cafe, 無理由唔飲咖啡。咖啡做得唔錯, 個latte art 又真係hea 左少少.. 有點兒失望. 

我最鐘意既coffee shop 始終都係上環既barista jam. 己經有一段時間無光顧過勒. 聽聞上環一帶己經開了不少咖啡店，多到跟不上。

忙裡偷閑的檸檬撻

Maison Eric Kayer
地址︰跑馬地雲地利道60號
網站︰http://www.maison-kayser.com.hk/

星期六放工後, 肚空空一個人去左跑馬地既 Eric Kayser 諗住睇下有無d tea set.

見到三月有一件特別既香濃忌廉夾心蛋糕, 只有三月先有..

心旭旭想試, 想試.,... 想試..

但最後都係敵不過檸檬撻 ...

由細到大, 都對檸檬有特別偏好.

因為檸檬味道, 夠安全. 難食極都總有個限度

另一原因.. 小時候經常用檸檬醬搽白麵包食. 仲要係羅拔臣嗰款.

有時間, 會食到晚飯都食唔落.

檸檬醬 檸檬醬.. 香港人一般都叫佢做檸檬醬. 攪到我由細到大都以為curd 同jam 係同一樣野

台灣人似乎對curd 有比較準確既翻譯: 檸檬蛋黃醬、檸檬酪、檸檬凝乳。

因為lemon curd 係用檸檬汁同檸檬皮,  + 牛油 + 糖 + 蛋黃 座蒸氣攪至thick and creamy, 攪完喺室溫冷郤凝結

相反jam 只係將生果+ 糖 煮出黎.

jam有防腐作用, 但curd 就無, 煮好要盡快食哂佢.

初嚐Herbivores

Herbivores @ Hysan Place

地址︰銅鑼灣軒尼詩道500號希慎廣場9樓
電話︰26132920
Website︰https://www.facebook.com/TheHerbivoresHongKong


天陰陰的一個下午， 令人做甚麼也提不起勁。健身訓練被取消, 本想到gyn 一趟.. 但又偷懶了。郤想起gym 附近的咖啡弄, 竟然連星期天下午也有長長的人龍... 又放棄了..

於是來到希慎廣場的Herbivores. 

Herbivores 是由一班90後一手創立的。 他們非常成功地將素食"正常化". 他們將素菜弄得千變萬化，與一般膳食無異。徹徹底底的將"食齋無野食" / "食齋食黎食去都係嗰d"既誤解一一踢走。將香港的素食昇華至另一個階段, 比外國遲十多年..... 

我與Herbivores 一直都無緣無份

它於我們搬離堅道後, 才開業。 開業年多後, 終於踏進我們的新地頭... 

新店靜靜的座落於誠品書店內

店內有一張早幾年開始流行的common table. 這邊是dining room 的一端
見到這張空空如也的相片，不要以為Herbivores 冷冷清清。細看其實每張枱都有reserve 牌。
意外偷聽到staff 與客人confirm booking, 餐廳今晚滿得如客人遲到便不能入座。

 一排玻璃門的另一面, 就是cafe shop 的一端.

點了杯熱檸檬薑蜜, 到付錢時才發現黑板上的是"take away price" , 價錢都相差頗多.. 

印有Herbivores 的杯子, 上圓下方, 好睇又好用。初初以為那就是餐廳的整個menu.. 確實有點失望。心一邊想: 貴精不貴多?? 另一邊己在盤算, 下次再訪叫甚麼好？

突然靈機一動... menu 為何沒有價錢的.... 

於枱面看到真正的menu. 一本手寫的menu, 

更令人欣慰/ 佩服的地方是，Herbivores 不單為vegetarian著想, 更照顧到vegan. 

vegan 跟vegetarian 的分別是, vegan 不會進食任何從動物身上得來的東西 包括牛奶/ 任何奶類製品；蛋；甚至蜜糖 。理論上vegan 連皮革製品/ 羊毛衣物都不會使用... 是非常非常嚴謹的。

餐牌上任何有 (v)的都代素vegan 菜; (b) 則代表可以減去味道濃烈的seasoning 如蒜頭等等。

幸好這類餐廳於香港開始發展，數目愈多愈多。不止一次於飲食雜誌看到素食餐廳的專題報導，加上外國大力宣掦no meat mondays ---- 素食突然間變"潮"了。

今天雖然只喝了一熱檸檬薑蜜，下次一定會,再來試菜。

後回有期~~