富山麵家x Hello Kitty 40th 週年

地址︰銅鑼灣希雲街7號地下
電話︰31101860
推薦度︰★★★★☆

打正" 唯一既Hello Kitty 40週年限定拉麵"旗號, 繼開張既bathing ape cross over, 今次富山麵家又生金蛋! 

無咀貓既魔力真係唔可以忽視, 星期一既晚上, 將新8點都排半個鐘頭可以有位。

店內外, 枱面, 成間店都報滿Hello Kitty , 謀殺唔少MB.. 

今次係第一次試呢間拉麵, 味道又唔錯喎! 湯底有四款︰黑醬油、豚骨、激辛味噌及白鹽蝦. 雖然黑醬油係佢地既招牌湯底, 但我又抵受唔住辣引誘, 叫左激辛味噌。

激辛味噌有正常、中及大辣。落左order 之後先發覺唔記得揀辣度, 急忙叫職員改order, 本以為會俾拒絕"己經做緊勒" .. 點知個職員又幾好喎, 即刻問廚房職員叫佢地改order. 今之叫左中辣, 下次可以食大辣都無問題, 因為除非你咬到辣椒, 如果唔係中辣 都唔係好辣. 

麵底感覺上好似比較細份, 不過幾"煙印", 做得幾好喎

半熟蛋睇落去以為太熟, 食落口又幾好喎, 蛋白仲要又軟滑, 又有味道, 蛋黃啱啱半熟, 正！

得一千零一塊既叉燒, 又好以少左d. 不過叉燒煮得好淋, 用對筷子輕輕一篤, 己經分開, 正！

價錢大約$85 起, 配料每款加$10. 而家黎講價錢都算係咁上下, 唔太貴. 

今次無食到餃子, 下次一定要試

整體黎講, 真係幾好食. 就算無bathing ape/ hello kitty 既gimmick, 想食拉麵既時候, 都會番兜。