網址︰www.tofukutan.info/
推薦度︰★★★★☆
京都最出面既豆腐店有三家 --- 聽松院、順正及奧丹.
奧丹係咁多間老店中歷史最悠久既一間 , 有超過三百幾年既歷史
作為一個鬼佬, 豆腐竟然係佢既至愛. 黎到京都, 當然要帶佢黎試下京都出名既豆腐餐
一直以黎都以為豆腐餐, 每一味食物都係豆腐, 食完先知原來唔係家!
行完清水寺, 就去左奧丹清水店食個午飯.
好好彩, 喺無訂枱既情況之下, 竟然有位, 而且唔洗等好耐
一入到去奧丹, 寧靜既日式庭園, 同清水街道既人山人海有好大對比, 好似去左另一個世界一樣
我地揀左湯豆腐餐
前菜有三款, 第一款就係胡麻豆腐
胡麻豆腐係一個冷盤, 雖然佢叫豆腐, 但其實唔係豆腐, 因為無黃豆..
胡麻豆腐係由芝麻及粉葛製成, 食落去有好濃既芝麻味。
第二款係燒豆腐, 呢款係真正既豆腐黎既
喺豆腐面搽日本山椒既嫩葉製成既味噌, 再去燒.
d 醬味道有少少甜, 塊豆腐好好味, 豆味好濃, 好好食
第三款前菜, 係山藥泥.. 評價一直都係好壞參半, 好似榴槤咁, 一係好鐘意, 一係好唔鐘意..
而我... 對於山藥泥就係好唔鐘意嗰類人...
滑溜溜.... 口感好怪... 因為職業既問題.. 令我諗起一d 好unpleasant 既野....
職員教山藥泥可以同白飯撈埋一齊食..... 我無咁做.....
之後就有蔬菜天婦羅
炸"章" 好薄, 又唔油, 一定要趁熱食, 正正, 幾想用山藥泥換多兩舊天婦羅
最後終於黎到最著名既湯豆腐
湯底除左水之外, 就只有昆布, 味道淡淡的, 目的係唔想搶左豆腐既味道
因為咁, 調味都唔能夠太重
單食豆腐, 都真係有d 太淡
食法其實係可以加七味粉同醬汁一齊食既, 咁就無咁單調得黎, 又食到豆腐既豆味
最後埋單, 仲見到小飛俠食湯豆腐添!!! 手塚治虫, 喺1981 年畫家!!!
呢一餐係好值得一試既一餐
坐喺榻榻米上面, 喺寧靜舒服既日式庭園下,
沒有名貴的材料, 沒有重口味, 只有淡淡的豆腐
淡淡的豆腐, 充滿歷史、追求完美既精神及執著
呢d 就係奧丹帶俾客人京都既味道
No comments:
Post a Comment