地址︰銅鑼灣波斯富街89號地下
電話︰25762240
推薦度: ★★★★★
喺尼泊爾睇到報紙報導呢間香河越南餐廰將要結業, 又可惜, 又唔明..
明明好多人, 好好生意, 點解要結業,....
唉, 咪又係租金問題.
自從搬左入跑馬地自後, 因為某一次意外食過呢間餐廰後, 佢既生牛肉河粉又成為我既另一至愛COMFORT FOOD! 我最鐘意仲有佢地既蒸包! 次次都熱辣辣咁即叫即蒸, 好好食.
由尼泊爾番黎香港當日, 即刻去幫趁一下... 希望結業前可以食多幾次.
一入門口, 同平時差唔多, 完全無任何將結業既跡像.. 希望份報導係錯家啦
當然要叫我最鐘意既生牛肉河粉同蒸包,
生牛肉河粉份量都唔少家, 個湯又好飲, 牛肉又唔會太熟, 又唔"UN" 加少少青檸汁同辣椒, 無得頂!
仍然係一貫水準, 好好味!
今次仲叫多左2 樣小食
出名既大蝦豬肉卷 同埋炸軟殼蟹
炸軟殼蟹都唔錯, 不過最底嗰件有少少油, 炸醬唔太厚, 不過炸物呢家野, 已經俾日本仔搶哂風頭, 日式既炸軟殼蟹好食D.
第一次食呢個大蝦豬肉卷, 都幾夠足料, 隻蝦都算幾大隻, 幾新鮮! 好食!
而家寫寫下, 又想食勒...
以防萬一佢真係月尾結業, 聽日一定要落去食多一次!
No comments:
Post a Comment