Young Master Ale -- HK Local Brewery

地址: Unit 407-9, Oceanic Industrial Centre, 2 Lei Lok Street, Ap Lei Chau HK
Email: info@youngmasterales.com
推薦: ★★★☆☆

澳洲、英國有好多micro brewery, 美國更加係home brewery 既表表者.
鄰近既新加坡喺home brewery 都比香港行前好多步, 喺clark quay 既Brew works 早於1997 己經開始做酒啤酒。

呢幾日有beertopia 既成功, 加上好多酒吧都引入世界各地唔同既啤酒, 令香港既啤酒業好似有另一番新景像. Beercraft 既Chris 可以話係香港第一個將home brew 既concept 帶俾香港人, 舉辦好多workshop, 等我地可以試下home brew. 等到頸都長, 我地又有另一個好成功既mirco brewery Young Master Ale.

其實好多年, 香港己經有microbrewery Typhoon, 但係佢地既產量一直都係好少. Young Master Ale 既野心, 比Typhoon 大好多. 上年十二月成立, 直至而家, 短短四個多月己經喺為14 間bar/ restaurant 提無 TAP BEER.

創辦人Rohit 係一個喺新加坡讀書成長既印度人, 黎到香港工作之後, 睇到香港有發展mircro brewery既潛力及機會, 毅然放棄工作,全心創立少爺麥啤 Young Master Ale.

Young Master 除左Rohit 一個之外, 背後仲有一個好重要既BrewMaster, 呢位Brewmaster 係德國人,佢做啤酒手法係好傳統及嚴謹的, 以維持高品質。

喺鴨利洲一間工廠大廈入面, 引入大陸及德國既釀酒器材, 開始製造Young Master Ale.

暫時Young master ale只專心製造DRAFT BEER, 暫未有計劃製造樽裝啤哂。現時每個月可以做到8000公升既啤酒, 提供俾14間既餐廳及酒吧, 呢個數量己經接近佢地可以承受既極限，Rohit 己經訂多左一個2000L 既大容器，以增加產量。發展既下一步就係要另選更大既地方, 發展成更大既BREWERY.

以下就係Young Master Ale 現時造啤酒既地方。

呢三個容器係造啤哂既第一部份, 就係將所有材料加水加熱。


































之後就會經過管道將加熱既材料, 喺以上呢部機入面迅速冷卻至適合發酵既溫度。再經管道傳送到以下既大容器進行發酵, 為期2至3星期時間。

之後就可以注入容器, 運輸到酒吧及餐廳。

當日個brewery tour 我地一共試了現時Young Master Ale 出產既5種啤酒

每種都有其獨特既味道, 試飲既次序就係由啤酒酒精度

以下就係Young Master Growler, 容量2L, 等用家可以將Young Master ale 帶番屋企飲, 飲完可以拎番黎refill. 

Young Master Ale 既意念就係用將啤酒品牌融入香港本地文化, 所以連Beer Tap 做牌都好舊式香港feel. 

個brewery 進行得好好既時候, 突然有人問一個好重要既問題, 

young master ale 用咩水黎製??

負責人好快就答, 係用香港既Tap Water, 

一班外國人都好驚訝. 負責人再解釋, 香港既水屬於軟水, 含既礦物質唔多, 令到造啤酒既過程當中, 好容易可以加佢地既想要既礦物質,黎製造理想既味道. 

有人就追問, 水有無經過過濾. 

負責人答: 無。

突然間變得一片寂靜..... 香港水喉水無經過濾..... 

負責人安撫大家... 佢地經過好多嚴謹既測試, 香港既水質係非常好既... 非常乾淨..

事後, 有幾個外國人無再試其他啤酒走左, 亦有聽到有人話以後都唔會再飲佢地既啤酒.. 

我地之後都有send email 俾負責人, 同佢提出大家有咁既concern, 佢好快就回覆, 都係嗰一句... 

"佢地經過好多嚴謹既測試, 香港既水質係非常好既... 非常乾淨.."