大蕉脫脂奶昔

今早起身, 自家製左呢個極速, 極易, 極好飲既大蕉脫脂奶昔

喺超級市場買黎既中國大蕉, $15.x 就有四隻! 今日用2隻做2杯既份量

將大蕉去皮, 用刀切片

加入脫脂奶至最高克度, 今次大量加左800ml, 高過左max 少少. 

因為屋企無攪拌機, 所以用左hand blender 黎攪. 

啟動hand blender, 攪到直至大蕉爛哂為企. 如果覺得太濃, 可以再加多少少奶, 再攪多陣. 

咁就攪惦！可以飲用. 

用大蕉既好處係大蕉本身好甜, 保證完全唔洗加syrup 都好甜, 好香蕉味. 正!!!! 

蕉熱量高, 加上奶, 飲一杯做早餐, 又好飲, 又夠飽肚。

仲含有豐富既維他命及礦物質, 鉀既含量係所有水果中最多, 可以幫助控制血壓. 

食物纖維又高, 幫助通便, 女人最忌就係宿便麻! 

大家得閒試下!