星期一喺英國首播Jamie Oliver's Comfort Food, 今日即刻急不及待download 黎睇.
第一集Jamie Oliver 示範左 三個大包圍既comfort food,
1)Burger (美國人既comfort food)
2)Lobster mac& cheese (好多英國人心目中既經典comfort food)
3)Mashmallow Pavlova (澳洲/ 紐西蘭人既comfortfood)
2.9 英國報章Guardian 入面, Sam Wollaston 寫既電視節目Review 就串鬼Jamie Oliver 話comfort food 唔係咁既. 因為Jamie Oliver 喺佢屋企超大既後花園, 同一個朋友, 喺美好既陽光底下, 開開心心喺戶外煮佢既Comfort Food. Sam 覺得Comfort Food 應該係一個人喺屋企, 坐喺梳化食一d 好方便即食既食物, 又或者係充滿回憶既食物, 食左會令你開心既食物.
Sam 又講得無錯.
Comfort Food 其實係一種好emotional, 好個人既食物.
牛津字典define Comfort Food 為︰
food that comforts or affords solace; hence any food (frequently with a high sugar or carbohydrate content) that is associated with childhood or with home cooking.
男人會喺開心既時候食comfort food, 女人反而會喺唔開心既時候食comfort food.
而comfort food 大多數都係一d 好高碳水化合物既食物, 甚至係好高脂肪... ---- Jamie 示範既mac&cheese 係好例子.
Comfort Food 可以分為四大類
1)懷免過去既食物 --- 細個既時候爺爺"女麻女麻", 爸爸媽媽煮俾你食既
2)放縱既食物 ----超肥超無益既食物 (朱古力？芝士？肥豬肉?)
3)方便既食物 --- 唔洗點煮, 好容易可以食到既.(出前一丁?? 老麥??)
4)身體唔舒服, 無胃口時既食物 (白粥?? 魚蛋粉??)
今日中午, 又唔係覺得特別肚餓, 又想食野既時候, 我都選擇左其中一款我心目中既comfort food
就係相片中既熱湯 + 好好食既麵包 ~~
記得有次喺澳洲墨爾本探親, 喺郊區又凍又悶, 飲左一碗南瓜湯 同sourdough, 暖到入心, 滿心歡喜。另外一次喺歐洲, 日日都食大大portion既meal, 食到有一日喺盧森堡既中午, 見到一間專門賣熱湯既小食店, 坐低飲左碗熱湯, 等腸胃抖一抖, 落一落格, 將咁多日積落飽飽滯滯清除, 舒服哂~~~
我心目中另一款既comfort food 就係魚蛋粉, 我估好多香港人都係. 一黎方便, 周街都係.
番夜班之前, 訓到呆呆滯滯, 都淨係想食daddy 煮既米粉. 放乜料入去都唔緊要.
而家有時喺屋企, 唔知食乜, 都會煮烏冬(因為個老外鐘意食) , 將雪櫃入面有既存貨拎出黎, 放入去碗烏冬入面, 方方便便, 快快手手又一餐.
唔知你既comfort food 又會係乜野？
