Dalloyau: Tarte Au Citron 檸檬tart

地址︰尖沙咀廣東道17號海港城海洋中心4樓403室
電話︰3185 8330
website︰http://dalloyau.hk/
推薦度︰★★★★☆

Angelina 同Dalloyau 2間法國好有歷史既甜品店分別先後黎到香港。

喺正式入去坐低食野之前, 早幾日行過海港城先買左Dalloyau 既檸檬tart ($52)黎食下先

無錯, 又係我既至愛檸檬tart.

好早之前都有介紹過Eric Kayer 既檸檬tart

同呢個比真係狠狠地被比下去

Dalloyau 呢個檸檬tart, 意外地唔會過份甜 (eric kayer 嗰個係好鬼甜... ), 少少甜而且仲食到檸檬既酸味, 加埋餅底一齊食, 非常非常好食！

啱啱喺官網爬一爬文, 原來Dalloyau 家族入面, 第一代既做甜品既Charlie Dalloyau 曾經造甜品俾路易十四家！雖然dalloyau 造甜品既歷史己經超過300年, 但係唔好諗佢地會食古不化, 佢地都幾與時並進家, 好早己經有"減糖" 呢個行動!

有機會真係要黎試下個tea. 我地己經做左功課, 問過staff 少少行情.

佢話星期一至五, 下午茶3點開始, 2 點己經會有人排隊
星期六日, 十二點開始, 十一點半就開始排隊!
大家有興趣想去既朋友, 可以參考一下, 因為cafe 係不設訂枱, 以先到先得既形式

不得不提, 職員既service 非常之好, 雖然我地只係買2個檸檬tart, 又驚賣哂, 打電話黎留, 黎左俾錢,又唔拎住, 轉頭再黎拎. 整個過程, 所有職員都非常有禮貌, 服務態度好好, 抵讚。

從心感受 Alchemy: Dining in the Dark

 
地址︰中環亞畢諾道16號地下
電話︰68212801
website: http://www.alchemy-concept.com/
推薦度︰★★★★★

為朋友慶生, 懷著期待、緊張、興奮既心情黎到Alchemy 一嘗dining in the dark

喺倫敦同巴黎既 Dans Le Noir 係dining in the dark 既先鋒. 喺電影 About Time 男女主角就係喺倫敦嗰間度相識。

Dialogue in the Dark 己經黎左香港, 舉行不定期既dining in the dark session .

French Creations 喺中環亞畢諾道開左一間名叫Alchemy 既餐廳, 將dining in the dark 呢個concept 真正帶黎香港。

Dinner 開始之前, 會有個好短既briefing session, 大約介紹一下呢個dinning in the dark 既experience, 將所有隨身物品放喺locker, 職員就帶我地入去漆黑一片既dinning room. 今晚由視障人仕Micheal serve。

為左唔會破壞你地既dining in the dark experience, 我今次唔會寫任何dinner 既細節. 只係share 個experience

成個dinning experience 唔在乎食. 在於同朋友喺一個伸手不見五指既環境，用味蕾從心去感覺食物. 食物既質素唔係最重要，最重要係個過程。短短一個多鐘既時間，無手提電話既騷擾，無相機食先呢個動作。一切還原基本步, 只有你、看不見但與你一起的朋友及食物。大家一齊用手摸, 用叉吉, 齊齊估下自已食左d 乜, 又聽下朋友食左d 乜，大家"being together".

食完之後, 職員會開估, 話你知食左d 乜。大家既味覺真係有待改善，有d 估啱, 有d 估錯。

失去左視覺，聽覺真係變得異常敏感。朋友坐喺對面，多次都要叫佢重覆說話。唔係因為佢唔夠大聲，而係對耳仔好似聽到哂餐廳入面既每一種聲音。聲音變得好雜亂. 喺一個咁細既空間己經有咁既感覺，好難想像一個真正視障人仕走出繁忙既街頭，眼看不見，只靠聽及觸摸係幾困難。

Overall Dining in the dark真係一個幾unique 既experience. 晚飯過程中既低能野應該以後不斷咁反覆重提。好幸運揀左呢個地方為朋友慶祝佢既big birthday。

***相片轉載至Alchemy Facebook page ***

西班牙辣肉腸紅酒汁意粉 Chorizo Pasta with Red Wine Sauce

屋企唔知點解, 總係有包Chorizo... 無計仔, 人地鐘意食。

因為懶既關係，諗起chorizo pasta 就會好似上次咁用現成既蕃茄醬加pasta 煮黎食。
成日咁食都唔係辨法... 於是的起心肝上網搵下.

喺BBC  搵到呢個紅酒汁食譜, 都幾得意喎, 從來都無諗過可以用紅酒煮意粉
仲要好簡單, 包你唔洗30分鐘食得。

材料: (三人份)
紅洋蔥 半個
辣椒仔 2條 (隨你鐘意加減)
chorizo 200g
蕃茄仔 100g
茄膏50g
紅酒300ml
蒜頭 4辦
300g  意粉

1) 燒熱煎pan, 加2tbsp olive oil , 同一時間煲一大煲水, 跟packing指示煮意粉
2) 將紅洋蔥同辣椒仔 炒香, 大約2分鐘
3) 將chorizo 落獲一齊炒5分鐘 或者至表面金黃
4) 將其餘材料放入去一齊煮, 煮至個汁滾起, 較慢火慢慢收水, 大約15分鐘
5) 加salt & peppre 試味
6) 意粉煮好之後, 隔水
7) 將意粉倒落紅酒汁入面兜勻就食得

Tips:
1)意粉 最好揀短身既, 好似 penne / spiral , 因為易d 兜勻呀
2)我另外再加左我既最愛黑檻欖, 為左唔會令到佢太淋, 我就喺放意粉落個汁之前先加入去煮一陣.
3) 如果個汁太稀, 可以稍稍放多少少茄膏, 再煮耐少少.

Butchers Club Burger

地址︰灣仔蘭度街2號麗都大廈10號地鋪
電話︰25282083
website: http://www.butchersclub.com.hk/burgers/story.shtml
推薦度︰ ★★★☆☆

星期五 Happy Friday 晚上，喺PP3飲完野， 十點先行去附近既Butchers Club Burger食burger.

當我地去到廚房剛剛準備收檔，好在chef take埋我地既order.

Butchers Club burger 當然係黃竹坑Butcher's Club 既新作，多個weekend喺黃竹坑serve burger 小試牛刀後，終於喺灣仔展開新既一頁，開一間地鋪。

地鋪喺灣仔蘭度街既一個角落店，小店內只有約十幾個座位，open kitchen加強左小店既空間感，加上靈活運用一邊大窗，大窗兩側都有high table，增加左唔少座位。

店內menu得三項食物 (之後先知原來佢地有secret menu) 

1) Burger $100

2) Duck Fat Fries $20

3) Softdrinks $20

運作模式都好簡單，喺counter order野食，staff會俾張單你。單上有你既order number。當食物準備好後，staff會大叫你既order number, 只要向職員示意，職員就會將食物奉上。

好快，我地叫既2個burger同Duck fat fries就有得食。

Burger size同上次喺黃竹坑既一樣。新鮮做好既burger一咬落去，juicy既patties漏哂汁，牛肉味好濃，好好食。今次patter有d burnt，有少少食到苦味， 但係patties既質數不用置疑。

Duck fat fries size唔大，始終都係$20，size都算唔錯。用新鮮薯仔炸既，名話用duck fat炸，又唔覺得特別香口。我最鐘意既薯條始終都係soho Iberico既 fries with truffles salt.

Burger同上次喺黃竹坑既一樣好食. 問題在於價錢。上次係半價，即係$50一個。今次相同既食物，要用$100先食到。當然我唔能夠expect開新店都用番$50呢個promotional price. $100食呢個burger，又好似唔係好抵。

唔抵既原因唔在於佢唔好食/質素唔好，而在於有比較。beef &liberty一個burger無煙肉既只係$98。size比呢個大，個bun比呢個做得好, 而且B&L 係一間decent restuarant. Brutcher 's club deli走既路線係quick meal/takeaway 快餐style. $100一個burger我覺得有d唔抵。作為一個女子，我食完呢個burger其實都唔係十分飽，加$20 要埋個fries, 再加$20 要個汔水，總共$140。我更加會選擇B&L. Burger 既選擇仲更加多。

如果我要個burger quick meal, 我又可能會揀PP great supermarket 既triple O. 質素無咁好，但係價錢平一半，份量又較大，坐得仲舒服d添。

最意外係個beer selection, 得最平最平同藍妹無乜分別既啤酒。連我個酒鬼主子見到都唔飲.... 

啱啱先知道如果Butchers Club Burger 上網有secret menu !! 

喺店入面係唔會見到, 只有佢地個website 先搵到. 

http://www.butchersclub.com.hk/burgers/secret_menu.shtml 

Peace'O'Cake︰百日宴蛋糕

Peace'O'Cake 

Facebook shop: https://www.facebook.com/Peace.O.Cake.Cakes?fref=photo

電話︰9745 2645 

電郵︰peaceocake11@gmail.com

推薦度︰★★★★☆

朋友寶貝仔百日宴，要搵freelance 整蛋糕，就諗起朋友介紹過我既Peace'O'Cake 

Peace'O'Cake 既主持人part time 造蛋糕, 佢正職係空姐黎既. 帶黎一個問題, 就係搵佢訂造蛋糕要同佢夾佢既飛行更期。好在今次佢都可以抽到時間幫我朋友做呢個靚靚蛋糕。不過佢都好flexible, 都會盡量同客人夾時間。

百日宴既主題係芝麻街，咁啱佢之前都做過芝麻街既蛋糕, 時間又夾到, 一切都一拍即合。

約略傾下細節, 蛋糕喺百日宴其實都係拎黎影相多過食, 原本佢之前做既係5磅 ($1700) , 我地都預左d 人唔會有胃口食到蛋糕, 都好坦白咁同佢講, 3磅($1200) 都夠. 唔洗落訂, 大家講一個信字, 咁就訂左勒。

初頭都有d 擔心3磅會太細, 朋友咁信得過我, 由我負責幫佢訂蛋糕，我都唔想令佢失望, 同埋都想個蛋糕有睇頭, 唔會太細太小家。

嗰日下晝, 佢send 張相俾我, 我都有d 意外, 3磅咁大家原來! 心諗好在無訂5磅啫。到夜晚見到真野，更加喜出望外。親戚朋友都好開心咁同個蛋糕影相。

樣就好勒, 味道如何呢?? 

個糖皮當然唔好食啦。話好食都無人會信。

訂蛋糕嗰時, 主持人問過我想要咩味。我始終都係對檸檬蛋糕情有獨鐘，朋友又無意見，於是又決定左做我最鐘意食既檸檬蛋糕。

Peace'O'Cake 既主持人係外國空姐，佢做既蛋糕都係比較西化。香港人我地都比較鐘意海綿蛋糕，軟綿綿。如果你都係鐘意軟綿綿蛋糕既話, 搵Peace'O'Cake 之前就要三思勒，因為佢西式既蛋糕係好實淨，好solid 既. 呢個蛋糕都係一樣，好似傳統carrot cake 咁樣, 好重身。食緊蛋糕既時候都聽到好多人食左一啖就話"嘩" 個蛋糕咁實既? 個蛋糕係好solid, 但係佢其實做得好好，因為佢好moist 家, 唔係因為over cook 而又乾又硬嗰種實，係moist 同solid。

事後, 我都contact 番主持人，多謝佢做個咁好既蛋糕俾我地。都大讚個蛋糕比我想像中既三磅大。佢都笑笑口話其實佢喺sizing嗰時都好隨心，所以成日都做到個蛋糕太大。佢話嗰個蛋糕其實都有5-6磅！超抵！

GABA concept cafe: soft opening

地址︰1/F, Diamond Mansion, 462-468 Lockhart Road, Causeway Bay, Hong Kong

電話︰3679 0348

推薦度︰★★★★☆

朋友籌備已久既cafe於開張，soft opening既第一日已經急不及待去撐場。

Soft opening第一日，食物款式唔多，下晝有chicken pie($35) 同 quiche($35) 小試牛刀。我揀左chicken pie 加$20 要latte.

Cafe除左一般latte, flat white, piccolo , expresso等等供應之外，仲有唔同既即磨咖啡豆，及hand drip coffee (食物order + $30). 我order既latte黎到，對個latte art有少少失望啦......  又係呢個例牌行貨......

等左一陣chicken pie黎勒。
Food presentation好靚呀。

個chicken pie個pastry可以見到係handmade,唔係用冷藏既pastry. 唔乾，好脆，好好食。

最正係個pie含。第一啖咬落去就食到陣陣既檸檬味，mozzarella cheese好creamy, 因為有檸檬味既陪襯，一d都唔覺得好飽飽滯滯。鷄肉唔係太多，但係都足夠。
整體黎講，真係好好味。

遲d 正式營業一定再黎食過

燒鳥亭

燒鳥亭

地址︰跑馬地成和道49 - 51號地下C
電話︰2838 5377
推薦度: ★★★★☆

銅鑼灣呢個超級旺區，喺正側邊有2個較low profile既大坑同跑馬地相連. 大坑潮爆，跑馬地相對地比較established。喺跑馬地同大坑住，餐廳既數量當然無soho嗰多，量雖少，但精。足不出戶喺區內就可以access到好好既餐廳. 跑馬地 燒鳥亭就係區內的名店。

燒鳥亭係一間日式串燒餐廳，小店可以分前後區。前區係開放式串燒廚房及用餐位置，後區係後欄準備區加一個VIP 房（max20人)，無event就俾客人用餐。

Menu上既選擇都幾足夠，串燒menu之外，仲有小食及熟食menu。一般我地2個人黎食，大約叫5-6 個串燒就夠。我記得初初搬到跑馬地無耐，當日剛好係我地結婚前一年，諗住去一間好d既餐廳食下野，嗰次就係我地第一次黎燒鳥亭食野。到今時今日，結婚就快2年，我地叫既野食同嗰次食既野差唔多。因為實在太好食勒... 每次都唔捨得唔食食開嗰d...

以下就係我地經常食既串燒：

燒鷄翼：
我覺得香港人食野有2個盲點：鷄翼 同 魚蛋。食一世都唔會厭。呢度既鷄翼，司傅好細心咁將鷄翼2條骨拆開，客人食後方便，司傅又燒得容易。

汁燒牛肉（$28）：
今次司傅失手左少少，串牛肉燒得比較韌。好在個燒汁無走樣，好好味.
牛肉都可以揀鹽燒，我地之前食過，老實講，因為牛肉質素普通，汁燒相對就cover左少少牛肉既短處。

Menu上仲有另一款安格斯牛肉（$52），價錢比普通牛肉差唔多貴一個double, 牛肉係好食d, 個廿差價我寧願俾多少少，叫多樣，hee hee.

燒銀雪︰
呢款簡直係我地既至愛, 每次食完一串, 都再想食多串.
魚皮燒得又脆又唔油膩, 次次都完整無缺。
銀雪魚入口即刻解體. 非常非常之好食, 一貫高水準! 必食串燒!



































露荀豬肉卷︰
另一款非常之好味既串燒, 露筍又爽, 包住露筍既豬肉, 咬落去有陣陣既豬肉味, 燒得啱啱金黃, 香口. 正！


























燒飯團︰
作為大飯筒既我, 點可以唔食飯.
飯團有好多含可以揀: 三文魚、縵魚, 鏗魚碎, 三艾魚子, 梅。
我地揀左三文魚.
飯團表面又脆, 又香口, 好似食煲你飯煲焦一樣.
入面既飯又唔會燒過度而乾涸.
要有飯到肚既朋友, 呢個正！

燒日本青椒仔︰
呢個係日本串燒既名物, 唔食唔自在.
選用日本新鮮青椒仔，唔會令你件望。


燒日本甜薯︰
日本番薯又甜, 又有味. 呢個串燒, 更加有陣陣既燒烤味, 及芝麻既香味。

唯一有少少不滿, 就係次次都係最後先到, 有時貪心, 叫得太多, 黎到最尾先食燒番薯, 實在對個番薯太唔公平。

其實仲有好多其他既串燒喺menu 可以選擇, 但係我地偏偏就不斷咁order 呢幾款, 款款都咁好食, 你話點捨得改叫第二樣？

店內仲有燒鵝肝, 一直都好想好想試.

但係店內每款串燒都要order2串起, 我主子唔食鵝肝呀......

可惜... 希望有一日我可以試到！